قبل ساعات من محاكمه مبارك و العادلى يمتلىء التويتر و الفيس بوك بالتنبؤات
و الافترضات و نظريات المؤامره-نربط فض الاعتصام بالمحاكمه ..نعلق من الان
على وضع الكاميرا فى القاعه و حتجيب ميين...نقول مبارك مش جى عشان حيهلفط
على الجيش..و حيخش على كرسى متحرك و لا حيقف على رجله متسند من مساعد ..و
شعره حيبقى مصبوغ و لا ابيض و دقنه محلوقه و لا طويله..(اكيد طبعا يبقى
مصبوغ الناس دى مقرتش تحقيقات النيابه و لا عرفه ان حلاقه لسه بيروح له لحد
اسبوع فات) و الكل بيحاول يسجل اجتهاده...و هى فى الاصل مخاوف....عشان
بكره بعد المحاكمه....كل واحد يقول....شوفت مش قولت لك...انا كتبتها امبارح
على تويتر...دنا كنت عملها على صفحتى على الفيس بوك ابقى خش و
شوفها...الحقيقه ان فضاء العينه- كما فى الاحصاء-تم تفريغه على تويتر و
الفيس بوك...الحقيقه انا سوف استرخى و اتابع لان دا وقت المتعه و الترقب مش
وقت الرغى و الافترضات على حاجه حتحصل بعد ساعات و يمكن ما تخدش ربع ساعه
....و يا خبر بفلوس بكره يبقى ببلاش